Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Igitur haud temere Iuoni missam celebranti, dum sacram hostiam reuerenter
offerret, igneus globus super uerticem astitisse uisus est. Quę res tantę
admirationi fuit, ut, quod ipse manibus extulerat, iis etiam, qui prius
dubitauerant, diuinum esse appareret adorarentque deinceps in sacramento,
non quod uiderent, sed quod esse crederent. Neque enim ad species illas
uisibiles dirigenda adoratio est, sed ad substantiam Christi, quę sub ipsis
occultatur.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|