Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Quomodo autem Christus et in cęlo cum angelis et in terra nobiscum sit,
quomodo unus in multis hostiis sicut et in unaquaque earum uel qua ratione
fractis illis et communicatis ipse semper integer illęsusque perseueret,
quomodo etiam, qui quotidie a fidelibus sumitur, non consumatur uel qualiter
sub tam angusta forma totus sit uel quo pacto is, qui supra cęlum est,
illico, ut dicta fuerint consecrationis uerba, in altari adsit, mirari
potius quam scrutari licet. Sed quanquam diuina humanis inuisibiliaque
uisibilibus nequeant comparari, quęramus tamen aliquas rerum similitudines,
quo magis credibilia uideantur, quę ueriora sint quam ut de illis quicquam
dubitare fas sit.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|