Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Quam autem manducatio ista potusque nobis necessarius sit, declarat dicens:
Nisi manducaueritis carnem Filii hominis et biberitis eius sanguinem,
non habebitis uitam in uobis. Et: Nemo uenit ad Patrem nisi
per me. Igitur, cum tam fructuosum sit, ardenter accedamus; cum
tam necessarium, nunquam negligamus. Cumque ipse, qui et conuiuium et
inuitator est, uocet nos atque hortetur, solerter obsequamur. Scit enim quo
indigeamus et quid expediat nobis. Venite — inquit — et comedite
panem meum et bibite uinum, quod miscui uobis! Qualiter autem uenire
debeamus, instruit subiungens: Relinquite infantiam et uenite, et
ambulate -- 2-640 -- per uias prudentiaę! Hoc sane poenitudo (de
qua superius locuti sumus) uitęque correctio efficiet.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|
