Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Israheliticus populus in deserto per annos quadraginta manna alitur et aqua
potatur. Carnium auiditas atque esus illis exitio fuit. Unde in psalmo
dicitur: Adhuc escę eorum erant in ore ipsorum, et ira Dei ascendit super
eos. Et occidit pingues eorum et electos Israhel impediuit. Vbi
autem sepulti sunt, Sepulchra concupiscentię appellata, ut posteros locus
ipse admoneat non concupiscere illud, ob quod alii morte multati sunt. -- 2-493 -- Viginti panibus ordeaceis centum homines pauit Heliseus,
quinque panibus ordeaceis turbam quinque milium Dominus satiauit. Utrunque
miraculum, sicuti cętera omnia, soli Deo tribuendum. Sed quod ad propositum
nostrum pertinet, attendamus ordeacei panis esum nec in Veteri nec in Novo
Instrumento fuisse despectum. Pudeat nos id panis genus respuere, quo
prophetę et apostoli et cum apostolis Dominus usi sunt.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|