Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Paulum quoque abbatem, qui solitudinem Panephiso oppido proximam incoluit, ne
foeminam uideret, impense cauisse accepimus. Et cum aliquando cum abbate
Archebio ad quendam senem pergeret, uidens a longe obuiam uenire mulierem,
protinus retulit pedem et comite frustra retinente, ipso relicto tuguriolum
suum cursu concito repetiit. Cassianus tantam deuitandi sedulitatem
immodestię ascribit Deique iudicio factum asserit, ut, qui tantopere
foemineum conspectum execrabatur, paralysi resolutus ad coenobium uirginum
deferretur et languenti mulier assideret. Sed ego reor etiam dono Dei
factum, ne a muliere pries tangeretur, quam cum se tangi pene non sentiret,
ualitudinis ui oppressus. Quod si ab ea tangi ante contigisset, grauius
fortasse animo quam corpore ęgrotasset. Puritatis autem eius etiam apud
foeminas iacentis testimonium fuit -- 2-560 -- quod languentes oleo, quo
ipse contactus fuisset, peruncti sanabantur et infirmus infirmis remedio
erat.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|