Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Lucia quoque Syracusana uirginitatem uita habuit chariorem. Iuueni, cui pacta
fuerat, iungi noluit, ut iungeretur Christo, pro cuius amore martyrium
constanter pertulit, cum illo uiuere recusauit. Igitur Paschasio consulari
potentate tumenti haud tantum licuit, ut ei castitatem posset erripere.
Impietatis furiis ardens, puellam duci ad lupanar iussit. Sed illam uis
nulla, nulli prorsus conatus mouere potuerunt. Funibus circumligatam mille
uiri, mille boum iuga trahere nitebantur. Sed eodem loco, quo eam fixerat
Dominus, ueluti montis rupes immota stetit atque ibidem uri, cędi, iugulari
-- 2-570 -- potuit; abduci, ut prostitueretur, non potuit, quoniam
Deo uouerat castitatem.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|