Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Agilius monachus, Columbani abbatis discipulus, cum manum arefactam ei, qui
se in itinere educto gladio ferire uoluerat, sanitati restituisset,
Theodoricum regem, ad quem ibat, abbati suo Columbano iratum, antequam
audisset, fama miraculi pręueniente placauit, ita ut, quem ille dudum a
monasterio expulerat, protinus reuocaret. Igitur in Agilio benignę patientię
uirtus manum alterius male affectam sanauit, regis iram molliuit, abbatem in
gratiam reduxit. Qui si pro inimico orare neglexisset, nihil horum procul
dubio efficere potuisset.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|