Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Paula Romana, cum febri laboraret et stomachi cruditate cibum non digereret,
ut modico uino uteretur, nec medicorum placitis nec religiosorum suasionibus
compelli potuit, nolens ab instituto uitę monasticę ne in ęgritudine quidem
declinare. Multo enim tempore aquam bibens, magis expauit uini gustum quam
infirmitatis periculum neque tanti fecit sanitatem, ut eius recuperandę
gratia spiritalis continentię modum, quem ad illam usque diem perpetuo
seruauerat, intermitteret.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|