Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Vt autem uincamus, quoties ad lautiores cibos auiditas urget, meminerimus,
quia non in solo pane uiuit homo. Quoties ad subeunda pericula sola
temeritas prouocat, statim occurrat, quia Deum tentare non debemus. Quoties
honorum opulentięque cupidine solicitamur, protinus ad mentem reuocetur:
Dominum Deum tuum adorabis, et illi soli seruies. Postremo,
quoties perniciosarum cogitationum stimulis agitabimur, semper resistendo ac
repugnando clamemus: Vade retro, Sathana, iam satis certi eo angelos
accessuros, unde diabolus uictus recesserit.
-- 3-457 --
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|
