Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Anna, Phanuelis filia (ut Lucas tradit) annos septem uixerat cum uiro. Quo
defuncto ad quartum usque et octogesimum ętatis suę annum uidua permansit,
semper castitatem seruans, nunquam de templo discedens, nocte ac die
ieiuniis obsecrationibusque intenta. Hac perpetua pii propositi obseruatione
digna euasit, quę Spiritu Sancto afflaretur et multa prophetaret, immo, quę
illum, quem prophetę uenturum prędixerant, pręsentem cerneret et ipsum esse
mundi Saluatorem palam confiteretur. Perseuerando igitur aditus ad Iesum
comparatur, ut, ubi ipse est, ibi sit minister eius.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|
