Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Et apostoli quidem omnesque reliqui martyres pro iustitia, pro ueritate, pro
Christo morientes, pręstantissimum id esse mortis genus testantur, quod ipsi
passi sunt. Sed non omnibus hoc contingit. Omnibus tamen ea mens esse debet,
ut, si fors ita ferret, libenter et ipsi sustinerent. Cui is animus uel
tunc, cum e uita egreditur, fuerit, procul dubio martyrum coronę particeps
erit. Corda enim perpendit Dominus magis quam facta. Dic ergo cum Paulo:
Non solum alligari, sed et mori in Hierusalem paratus sum propter
nomen Domini Iesu. Certe talis in moriente charitas eleuabit doloris
angustięque sensum et hominem alterius uitę desyderio accendens faciet
exclamare: Cupio dissolui et esse cum Christo.
-- 3-498 --
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|