Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Antonio monacho, qui Romę in Gregoriano monasterio uitam pie sancteque
degebat, die quodam dictum est: Paratus esto et, quia Dominus iubet, migra!
Qui cum sibi uiatica ad migrandum deesse respondisset, audiuit, si de
peccatis ambigeret, iam dimissa esse sciret. Multum tamen ille hac de re
dubitare coepit, et sequenti nocte, cum se sopori dedisset, eodem oraculo
solicitatus dubitare desiit. Exinde die quinto febris repentino ęstuans
ardore, animam reddidit exactori eius Deo, tam feliciter quam libenter. Et
quis enim adeo mortis pauidus est, ut inuitus hinc cessisset, dum sic
euocaretur?
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|
