Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Suaue etiam olens erit, quia in Cantico canticorum de sponsa, id est, de
Ecclesia canitur: Quę est ista, quę ascendit per desertum sicut uirgula
fumi ex aromatibus myrrhę et thuris et uniuersi pulueris pigmentarii.
Et iterum: Odor — inquit — unguentorum tuorum super omnia
aromata. Quod si nunc etiam uidemus beatorum corpora in sepulchris
posita atque exanima magis egregie fragrare amomo Assyrio et thure, et
myrrha, et balano, et cardamo, et nardo, et opobalsamo, et omnibus spleniis,
quanto pręstantius fragratura eadem crediderimus suis animabus iuncta, supra
cęlum sublata, ante conspectum summi Dei uiuentia et lętantia.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|