73. epitaphium Francisci Martiniaci
Curtius, ut rupto patriam seruaret hiatu,
Armatus fouea praecipitanter obit;
Codrus, Athenarum foret ut solacio quondam,
Dicitur ante alios oppetiisse libens:

-- 97r --

Tabida pestiferi cernens contagia morbi
Franciscus patriam corripuisse suam,
Constituit certo caput obiectare periclo,
Quo foret huic propria morte redempta salus.
Si qua fides uero est, non est mors ista, sed inter
Romuleos uiuet Cecropiosque patres.