Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
-- PA206 --
895 Seu petat occasum fugiens, seu surgat in ortu,
Erectus ne minge. nefas, medioque viarum
Progrediens, extraque viam si feceris, ipsa
Nudatus vel nocte artus: nox ipsa deorum est.
Id facit aut residens, cui prudens pectore virtus,
900 Parte in secreta, aut succedens undique septae
Parietibus caulae. nec, si fors turpia passus,
Detege foedatos immundi corporis artus
Ante focum; nec item rediens a funere tristi,
Sed potius divum a dapibus, tibi germina prolis
905 Certa para thalami ingressus penetrale repostum.
Iam fluvios non ante gradu transire perennes
Ausis, quam ad sacri conversus numina fontis
Laveris irrigua palmas in fluminis unda.
Quippe aliter si rore manus contemseris hausto
910 Spargere, di poenas irati et dira parabunt
Supplicia illoto seros ventura per annos.
eruditionis videlicet reconditae referes perlecta Part. I lib. il cap. 56
Hitro\. Samuelis Bocharti.
903 Ante focum etc. Nam apud hunc
erant dii Penates, focusque, ut ait Proclus, habebatur tamquam ara
domestica, in qua fiebant libationes.
904 Sed potius divum etc. Male
ominosum erat liberis operam dare post funus; faustum post aliquid laetum.
Sed haec et quae sequuntur plena superstitionis.
906 lam fiuvios etc. Et ipsi erant
sacri, et numen habere credebantur: idcirco iisdem supplicandum iter
facienti, ut bene fausteque omnia procedant.
Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
|