Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
-- 3-541 -- filii fuere Iapheth, et hoc loco designant illas gentes, quę
ab ipsis originem trahentes cum Antichristo contra Ecclesiam uenturę sunt.
Sed de earum plaga Zacharias quoque uaticinatur dicens: Et hęc erit
plaga, qua percutiet Dominus omnes gentes, quę pugnauerunt aduersus
Hierusalem. Tabescet caro uniuscuiusque stantis super pedes suos,
et oculi eius contabescent in foraminibus suis, et lingua eorum
contabescet in ore suo. De nece uero Antichristi et principum, qui
eius factionis erunt, Daniel prophetans ait: Et uidi, quoniam interfecta
esset*corr. ex est bestia et periisset corpus
eius et traditum esset ad comburendum (igni)**add.,
aliarum quoque bestiarum ablata esset***corr. ex
est potestas et tempora uitę constituta essent eis usque
ad tempus et tempus. Sicque Ecclesia sublatis persecutoribus
conquiescet iam secura, nisi forte tam gloriosum Sponsi sui aduentum et ipsa
stupens timebit, donec ab illo euocata introducatur in cęllaria sua et
gaudens dicat: Sub umbra illius, quem desyderaueram, sedi, et fructus
eius dulcis gutturi meo.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|