Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
-- RA1-PA8 --
45 Nimbiferique, deum sedes, iuga maxima caeli
Pulsa sonant. illae cantu genus omne deorum
Concelebrant, quos Terra parens, quos Caelus in auras
Aetherias fudit, quorumque a stirpe creatos
Novimus egregios post prima exordia divos
50 Cunctorum auctores servatoresque bonorum .
Hinc Iovis ad laudes redeunt, divumque parentem
Atque hominum memorant ipsum, seu carmina coeptant,
Seu ponunt; magno quantum dis omnibus idem
Imperio potior, praeclaro et robore praestat.
55 Post etiam dicuntque homines validosque gigantes
Nymphae heliconiades,
proles Iovis aegide clari,
Quas quondam cupido furtim commixta Tonanti
Pieria in viridi fausto dedit aurea partu
latinis poetis sollemne est rebus etiam inanimis risum tribuere. Sic praeter alios
Lucretius lib. I:
„ tibi suaves daedala tellus
„ Submittit flores, tibi rident aequora ponti.
46 illae cantu genus omne deorum etc. Ii,
qui divi sint, postea docebit Hesiodus. Heic tantum observandum, terram caelumque plurimos
deos progenuisse, ex iisque alios enatos, ut mox videbimus, donec ad Iovem
deveniamus, in quo tertia quodammodo deorum aetas consistit. Caelus enim prius
regnavit, deinde Saturnus, tum ultimus Iupiter.
58 Pieria in viridi etc. Pieria mons est
et regio eidem subiecta ad Thermaicum usque sinum producta, qua clauditur
Thessalia ad septemtriones, ad austrum Macedonia . Heic et Pimpleus mons,
Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
|