Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
Dicit eis Pilatus: Regem uestrum crucifigam? Hoc est, si eius miseratione non
mouemini, uidete saltem, ne eius opprobrium ad uos redundet, rege uestro crucifixo.
Respondent pontifices: Non habemus regem nisi Cęsarem. Hic quoque pertimuisse
Pilatum reor, ne contraire Cęsari uideretur, si Cęsarem pro rege se habere clamantium
postulationi non cessisset. Vnde sequitur: Tunc ergo tradidit eis illum, ut
crucifigeretur. Barrabam autem (ut alii Euangelistę tradunt) qui propter homicidium et
seditionem missus fuerat in carcerem, dimisit liberum. Hunc Iudei absolui petierunt, ut eo
etiam damnabiliorem ostenderent esse Iesum. Quicquid ergo ubique (aliquid)** odii et
indignationis erat, totum aduersus Christum congesserunt, ob hoc solum, quod plebs ipsa magis
ei quam ipsis honorem deferret. Pati enim non poterant sibi pręferri*** quenquam aut haberi
magis ueneratione dignum. Quod ergo tunc inique petendo obtinuerunt, adhuc in perfidia
obstinati possident. *corr. ex Caym
**om.
***corr. ex preferri
-- 480 -- Barrabam habent diabolum, qui in eos latrocinia sua exercens credere in Christum
non sinit, ut animas perdat. Messiam autem non habent, qui eos hoc periculo liberet, quia,
quem occiderunt, Messiam fuisse negant. Neminem autem ille saluat nisi credentem.
Marulić, Marko (1450-1524) [1519], De humilitate, versio electronica (), Verborum 81625, Ed. Branimir Glavičić [genre: prosa oratio - tractatus] [word count] [marulmarhumil].
|