Croatiae auctores Latini: inventa  
   domum |  qui sumus |  textus |  auxilia |  tolle, lege! |   
Paskalić, Ludovik; Camillo, Giulio; Molza, Francesco Maria; Volpe, Giovanni Antonio (c. 1500–1551; c. 1480–1544; 18. 6. 1489 – 28. 2. 1544; 1515–1558) [1551], Carmina, versio electronica (), 2642 versus, verborum 17191, Ed. Sanja Perić Gavrančić [genre: poesis - elegia; poesis - sylva; poesis - epigramma] [word count] [paskaliclc].
Previous section

Next section

AD CAMILLUM DRACONEM AEGROTANTEM
Quod nunc immerita torqueris febre, molestum
Pascali nimis est culte Camille tuo.
Et certe, si vel precibus, vel viribus ullis,
Arte tibi aut aliqua ferre valeret opem;
Pro te non fugeret quaecunque pericla subire,
Dum tibi prima foret restituenda salus.
Et nunc caelicolas pro te languente fatigat,
Nam pia caelicolas vota precesque movent.
Huc ades e summo gratae tibi vertice Cyrrhae
Phaebe pater, medicae prime repertor opis;
Ferque salutiferas tecum, quas noveris herbas:
Dignus hic auxilio est quem tueare tuo.
Solus hic in vario terraeque marisque tumultu
Promptus in officio perstitit usque tuo.
Dumque alii gladios, et Martia munia tractant,
Ingentes aliis accumulantur opes;
Delectat Sylius alios venatus in altis,
Ast alios culti cura fatigat agri;
Hic vacat Aonidum studiis foelicibus, et te
Et tua securus sacra beata colit.
Dignus hic est igitur (si te tua sacra colentis
Cura movet) docta cui medeare manu;
Qui tibi perpetuas grates pro munere habebit,
Offeret et templis thura Sabaea tuis.
Ast ego mille super gratissima carmina pangam;
Si modo Phoebe tuam senserit eger opem.
Previous section

Next section


Paskalić, Ludovik; Camillo, Giulio; Molza, Francesco Maria; Volpe, Giovanni Antonio (c. 1500–1551; c. 1480–1544; 18. 6. 1489 – 28. 2. 1544; 1515–1558) [1551], Carmina, versio electronica (), 2642 versus, verborum 17191, Ed. Sanja Perić Gavrančić [genre: poesis - elegia; poesis - sylva; poesis - epigramma] [word count] [paskaliclc].
Powered by PhiloLogic

Creative Commons License
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom
Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.