Škrlec Lomnički, Nikola (1729-1799) [1790], Operum omnium tomus III, versio electronica (), Verborum 71764, Ed. Neven Jovanović [genre: prosa oratio - tractatus] [word count] [skrl3].
Quoad obligationem leges effectuandi.
10 m) Caeterum potestas executiva officio suo in eo potissimum deesse solet
quod leges, quae in gratiis ejus perferuntur, in effectum perducere reluctetur.
11 Malo huic illud tantum hactenus remedium positum fuit quod in conclusione
singuli decreti princeps se leges has observaturum, utve per alios observentur, effecturum
spoponderit. 12 Cum id non satis efficax esse usus ipse docuerit, decernendum
puto ut singulis comitiis principio statim disquiratur an omnes priori diaeta conditae leges
in effectum sint perductae. 13 Sin minus, constituatur efficax pro natura
objecti, de quo agitur, medium ut lex talis usque futura comitia effectui mancipetur.
14 Si nec tunc effectuata sit, contributionis depensio usque ejus effectum
suspendatur. 15 Et haec quoad executivam.
Škrlec Lomnički, Nikola (1729-1799) [1790], Operum omnium tomus III, versio electronica (), Verborum 71764, Ed. Neven Jovanović [genre: prosa oratio - tractatus] [word count] [skrl3].
|