Škrlec Lomnički, Nikola (1729-1799) [1790], Operum omnium tomus III, versio electronica (), Verborum 71764, Ed. Neven Jovanović [genre: prosa oratio - tractatus] [word count] [skrl3].
1 Phrasis illa minoris officii de honesta societate servientium
regis , quam § 49 memoravimus, in nullo praeterea alio, quod sciam, diplomate
occurrit, 3316 neque servientes regis majoris officii uspiam alibi memorantur.
2 Qui diploma illud impetrarunt, fuerunt iobbagyiones castri
Zagrabiensis in campo tum Zagrabiensi, nunc Turopolyensi dicto commorantes.
3 Nisi totus diplomatis illius spiritus id denotare videtur, quod incolae
campi illius, qui uti nunc, ita indubie tunc etiam plures hospitum centurias efferebant,
omnes ad semel nobilitari voluerint, id Belae regi non arriserit; ut tamen aliquid eorum
precibus detulisse videatur, provocatum diploma cum aequivoca illa clausula
iisdem elargitus sit. 4 Adduxit me in opinionem hanc aliud Ioachimi totius
Sclavoniae bani de 1271. diploma, quod Stephanus IV subsequo statim anno 1272. confirmavit et
in archivo Turopolyensium perinde conservatur, in quo rex et banus eam ipsis largiuntur
libertatem ut ipsi successoresque ipsorum in generationum eorumdem haeredes titulo
iobbagyionatus castri Zagrabiensis perfruantur. 5 Quodsi enim hi jam
1224. a Bela ad inferiorem licet nobilium statum elevati fuissent, non
petiissent utique post 47 annos a Ioachimo Bano ut in suo statu [ERROR: no reftable :]
Škrlec Lomnički, Nikola (1729-1799) [1790], Operum omnium tomus III, versio electronica (), Verborum 71764, Ed. Neven Jovanović [genre: prosa oratio - tractatus] [word count] [skrl3].
|