Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
XXIV.
Cum ad Lupi nuptias accedis, Canem tecum adducito. Lupus, Ovis, et Canis. Ducturus olim cum esset uxorem Lupus, Rumor per agros sparserat, grande hunc domi Epulum parare; jamque condicto die Animalia multa, ipsamque, quod stupeas, Ovem Ad lauta jussit convenire prandia. Illa e conviva ne cibus fieret timens, Si sola adiret, asseclam adjunxit canem. Adspexit isthaec ut Lupus, quis hic, optima, Ovi inquiebat, pessimus tecum venit? Ego solam ad epulas te vocari jusseram. Lanigera at illi: hic hospes, et comes meus, Cujus praesentem rebus in trepidis sum opem Experta toties: te ergo fas ambos, Lupe, Excipere; verum cum moleste haec sentiam Te ferre nostri vincla contubernii, Nec me ipsam ad epulas convivam expecta tuas. Cum blandiuntur improbi, noxam parant.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.