Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
XXV.
Multum verborum, operis nihil. Promissor verbosus. Se velle navim construere onerariam Passim Lupercus praedicabat, divitem Sese evasurum transferendis mercibus Jactans; at, alios consulendo, plurimum Consumpsit ante temporis, queis scilicet Ligna in nemoribus aptiora caederet, In fabricando cujus usurus foret Opera potissimum artificis, ad asserum Conjunctionem quanta ferri copia Sufficeret, unde pix, rudentes, velaque Essent paranda; denique priusquam est opus Incoeptum, et illud sedulo disquirere, Quis rector esset optimus, qui navitae Praestantiores crederentur caeteris, Queis regio quaevis mercibus dives foret. Quae cuncta postquam resciit (dementiam Hominis videto) nil eorum, quae intenderat, Egit, at eodem, quo requirens talia Lasciviebat, consenuit in otio; Nec, quod solebat glorians promittere, Pecuniam ille adauxit, at minuit suam. Qui multa verbis pollicentur garruli, Plerumque factis exhibent illi nihil.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.