PROLOGUS AD JUNIUM DE RESTI.

Auctor, et Junius colloquentes.

AUCT.Hoc destinavi quod libello terminum
Operis habere, Moecenatis nomine
Ut insignitus prodeat, te exposcere
Illi in patronum, docte JUNI, cogito.
Si forte dicas, quod frequentes ostia
Pulsant clientes, publicisque est insuper
Tibi occupatus animus in negotiis,
Utrumque credam; nec tamen desistere
Mens est proposito: te profecto valdius
Rogare pergam, donec expugnavero.
JUN.Tuus quid iste, dic, Libellus continet,
Meo quem velles evulgatum nomine?
AUCT.Agis patroni more mecum, admittere
Causam abnuentis, cognitam ni habeat prius:
Risum moventes fabulas hic habet liber,
Illumque rebus ludicris refercii:
Quanti est laboris adnuere? JUN. Res si habet ita,
Praefige nomen his meum; post seria
Hac recreabo lectione spiritum.
AUCT.Bene inquis; arcus namque ut frangetur cito,
Quem tensum habueris semper; at longo tibi,
Hunc si relaxes, est futurus usui,
Sic (*)(*) Phoed. Lib. III. Fab. XIV. ludus animo debet aliquando dari,
Ad cogitandum melior ut redeat tibi.