Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
XIV.
Mendacio curti pedes. Vulpes, et Talpa. Talpam exeuntem primum ut obscuro e lare Vulpes acuto conspicata est lumine, Interrogavit, vita subterraneo Cur illa tantum placeat in cavo sibi? Prodiret ergo, caeterorum ut nosceret Animalium ora, cumque eis conviveret. Huic illa, quidquid belluarum est uspiam Novi, inquit; ast hanc praetuli convictui, Ut heic laterem tuta, solitudinem. Tum curiosa Vulpis instat quaerere, Basiliscum alicubi videritne? Maxime Affirmat illa, cumque eo locutam ait. Rogata, quali sit colore, rettulit Septempedali, de statura quaerere Vulpem arbitrata; caeca namque cum foret, Color quid esset nesciebat. Ut meras Hanc Vulpis audit garrientem insanias, Consideransque id animal accuratius, Utroque novit destitutum lumine. Hoc evenire saepe mentientibus, Ipsi refellant ut strophis sese suis. Fabella paucis indicavit versibus.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.