Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
XVIII.
Tam mihi id cordi, quam quintus pes Cani. Capra, et Canis. Barbam impetrassent ab Jove cum olentes Caprae, Novo superbas se ferebant munere, Suum valere sic ratae pluris genus. Domum ut redibant, una forte his obvium Canem irridebant: quid tibi non quidpiam, Ignave, poscis, vota cum Jovem scias Audire facilem? Nuper ille, supplicum Admissis precibus, nostrum ut aruncos genus Gestaret etiam, liberalis adnuit. Pes aptus esset quintus ad cursum tibi: Hunc posce, caudam deserens inutilem. Ad sic inepta verba respondet Canis: Tun' mi ista suades, quae caudam pariter geris? Tuo, haud negabo, barba mento est addita; At porro sanae nil inest mentis tibi. Quinto quid etenim de pede facerem haud scio, Cum perceleriter, quos habeo, quatuor me agant. Quidquid redundat despice, neque pluribus, Natura quam tibi destinavit provida, Stulte potiri concupisce dotibus.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.