O quae venisti formae celebranda nitore ,
Ceu nube, aut velo corpore amicta latens
Ad nos de caeli regionibus , alma puella ,
Hos modo quae colles, haec modo rura beas,
Ah rura, et colles non tali munere dignos ,
Ipse per os pulchrum , juro, tuasque manus ,
Perque oculos , vocemque tuam, morumque decorem,
Fecisti intuitu vulnera tanta tuo,
Ut moriar certe, nec sit mihi vivere gratum.
Sed me quantumvis torserit acer amor,
Ullam non tribui labem tibi criminis unquam,
Vel si mens aliquid visa timore fuit,
Mox frontis lux ista metum cogebat abire:
Sic nebulae fugiunt, sic levis umbra fugit.