Croatiae auctores Latini: inventa |
domum | qui sumus | textus | auxilia | tolle, lege! | |
Sivrić, Antun (1765 - 1830) [1803], Traduzione latina delle Anacreontiche ... e dei sonetti, versio electronica (), Verborum 42047, 5086 versus, Ed. Neven Jovanović [genre: poesis epigramma; poesis versio; paratextus prosaici] [word count] [sivrichaanacreont].
Ex versibus Antonii Sivrich quaedam alia.
129
Ad praestantissimam pulchritudine feminam.
Si grajas inter pictor te forte puellas Vidisset Grajus; (a) sufficit ista mihi; Non alia est pulchri pictor dixisset imago; Haec est ipsa Venus, pulchrior aut Venere. Notum est, grajum pictorem, cum pingere Venerem vellet, multas pulchritudine praestantes puellas inspicere voluisse, ut ex tot pulchris unum aliquid pulcherrimum effingeret.
Ad eamdem.
Forte aliam post plura parem tibi saecula finget; At natura nequit fingere quid melius.
In ima reductae vallis parte locus erat protensa rupe tectus a vento pluviisque tutus. Qui Phillidem huc adduxerat, ut improvisam insurgentis nimbi vim evitaret, humum pedo signavit inscribens epigramma, quod sequitur.
128
Phillidis hic maneat signatus nomine pulvis; Cura sit, has, hospes, non violare notas. His euri parcent, his te quoque parcere fas est; Ni vento, ac nimbis saevior esse velis.
Quid rarum florem carpenti nymphae Pastor dixerit.
Carpenti nymphae rarum sub gramine florem Terra novos flores dat tibi pastor ait.
Ad speciosam feminam sine naevo depictam, qui naturae dono faciem illius pulcherime exornabat.
Luminibus careat quisquis te pinxit , et istum Non pinxit naevum , quem venus ipsa dedit.
Ad puellam, quae joci causa
Non satis est pulcher, tam pulchro dicere ut ore Enatum florem, quem geris ore queam. (a) Sive.
Sivrić, Antun (1765 - 1830) [1803], Traduzione latina delle Anacreontiche ... e dei sonetti, versio electronica (), Verborum 42047, 5086 versus, Ed. Neven Jovanović [genre: poesis epigramma; poesis versio; paratextus prosaici] [word count] [sivrichaanacreont]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.