Carmen Hyppoliti
Ante non aequos patiar furores,
Moriger quam sim domine nouerce
Et tuum linquam nemus ipse sacrum,
Candida uirgo.
Gnosiam summens ego nunc pharetram
Figam apros, ceruos rapidos et ursos,
Te sequar, magni soror alma Phoebi,
Tu meus ignis.
Osculum mollis ualeat puelle,
Syderum quamuis radios ocelli
Et rosas uincat tenerum labellum
Colla niuemque.
Sit procul carmen, precor, histrionum,
Mollium uatum pereant tabellae
Queque iam castos uitiant ocellos
Bellerophontis.