De Amore carmen
Perdidit multos Amor esca dulcis,
Sed nocens; multis nocuere ceci
Tella, complures proceres fuere
Preda puelli.
Herculem fregit domuitque, Phoebum
Vicit hic nudus frameamque Martis
Et Iouis pictis iecur occupauit
Saepius alis.
Hic Iouem taurum puer, hic et aurum
Fecit et cygnum, Cererisque natam
Pluto deformis rapuit, sed huius
Sautius arcu.
Pyramus sensit pariterque Tysbe
Sensit infoelix calamos Amoris,
Hei mihi, quorum calido cruore
Mora rubescunt.
Dico foelicem, potuit carere
Qui suo damno monitu sodalis
Siue qui uulnus didicit cauere
Vulnere amici.