| Croatiae auctores Latini: inventa |
| domum | qui sumus | textus | auxilia | tolle, lege! | |
Marulić, Marko (1450-1524) [1480], Repertorium, versio electronica (), Verborum 315700, Ed. Branimir Glavičić [genre: prosa oratio - loci communes] [word count] [marulmarrepert].
Pauper. Socrates, cum eorum quę publice uenduntur multitudinem intueretur, secum ista uoluebat: Quam multis ipse non egeo. Argentum et purpuram et cętera id genus tragedis potius quam usui uitę necessaria dicebat. Eum diis maxime propinquum qui minimis egeat [ERROR: no link page:]18. Ęschines ad Socratem: Pauper sum, inquit, et aliud habeo nihil. Me ipsum autem tibi do. An uero, respondit, non animaduertis, quam mihi maxima tradis? [ERROR: no link page:]19. Cum disruptam pallii sui partem uertisset Antisthenes et spectandam omnibus dedisset: Aspicio, inquit, per scissuram pallii tuam uanitatem [ERROR: no link page:]19. Aiunt Eschini dixisse Socratem, cum premeretur inopia, ut a se ipso usuras exigeret, sibi subducendo cibaria [ERROR: no link page:]22. Paupertas Diogenis ab assentatione aliena contra Aristippum [ERROR: no link page:]22. Xenocrates missa sibi ab Alexandro pecuniarum copia minimum quid accepit, reliqua remisit. Ab Antipatro missam noluit accipere. Corona aurea donatus eam ante Mercurium deposuit. Philippi munera spreuit [ERROR: no link page:]39. Diogenes se ad uictum simplicem contulit, conspecto mure discurrente qui neque cubiculum inquireret neque tenebras uereretur neque aliquid ad uescendum appeteret etc. [ERROR: no link page:]55.ms-355v Proiecit et catinum, cum uidisset puerum uasculo perfracto concauo pane lenticulam suscipientem. Solebat dicere imprecationes tragicas sibi occurrisse; esse enim sine domo, sine civitate, priuatum patria, pauperem, pallantem, uictum in dies habentem [ERROR: no link page:]57. Muribus ad ipsius mensam surrepentibus: Ecce, inquit, et Diogenes parasitos nutrit [ERROR: no link page:]57. Consulentibus, ut fugitiuum requireret seruum: Ridiculum, inquit, est, si Manes absque Diogene uiuat, Diogenes absque Mane non possit. Intuitus illum Plato lauantem olera, accedens silenter illi dixit: Si Dionysio obsecutus esses, olera profecto non lauisses; illumque ad aurem item respondisse: Et tu, si lauares olera, Dionysio non esses obsecutus [ERROR: no link page:]58. Crates: Hęc habeo, inquit, quę didici et quę curaui, et quę me diuę docuerunt munera Musę; quodque ex philosophia fuisset adeptus lupinorum chenicem et nullius rei curam [ERROR: no link page:]61. Placet Cynicis simplex uictus etc. [ERROR: no link page:]63. Quid sit indigentia [ERROR: no link page:]73. Cleantes pauper noctu operam locabat hauriendę ad hortos irrigandos aquę. Inerdiu autem studiis litterarum incumbebat [ERROR: no link page:]77. Cleantes gaudens in paupertate coactam aliquando stipem in medium intulit dicens: Cleantes Cleantem alium posset nutrire, si uellet. Suam inopiam diuitum opibus pręferens dicebat: Dum illi pila ludunt, ego duram humum exerceo [ERROR: no link page:]78. Aiunt illum, quę a Zenone audierat, testę boumque ossibus inscribere solitum, cum pecuniis careret, quibus chartas emere posset [ERROR: no link page:]78. Eudoxus inter paupertatis angustias discendi studio flagrans [ERROR: no link page:]87. Democritus in summa inopia uixit [ERROR: no link page:]92.
Marulić, Marko (1450-1524) [1480], Repertorium, versio electronica (), Verborum 315700, Ed. Branimir Glavičić [genre: prosa oratio - loci communes] [word count] [marulmarrepert]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.