Marulić, Marko (1450-1524) [1480], Repertorium, versio electronica (), Verborum 315700, Ed. Branimir Glavičić [genre: prosa oratio - loci communes] [word count] [marulmarrepert].
PAVLVS AD ROMANOS
Sapiens. Qui enim secundum carnem sunt, quę carnis sunt sapiunt; qui uero secundum
spiritum, quę sunt spiritus sentiunt. Nam prudentia carnis mors est, prudentia autem spiritus
uita et pax etc. VIII. Non plus sapere quam oportet. Nolite esse prudentes apud uos metipsos
XII. Volo uos sapientes esse in bono et simplices in malo XVI. AD CORINTHIOS I:
Contra sapientes mundi I.
Sapientiam autem loquimur inter perfectos non huius sęculi, sed Dei
sapientiam in mysterio absconditam, quam nemo principum huius sęculi cognouit II. Sapientia
huius mundi stultitia est apud Deum III. AD EPHESIOS: Vt possitis
comprehendere, quę sit latitudo et longitudo, et sublimitas et profundum III. Induite uos
armaturam Dei etc. VI. AD COLOSSENSES: Instructi in caritate et in omnes
diuitias plenitudinis intellectus, in agnitione mysterii Dei Patris et Christi
Iesu, in quo sunt omnes thesauri sapientię et cientię absconditi II. IACOBI: Siquis autem uestrum indiget
sapientia, postulet a Deo I. Qui sapiens est, ostendat operationem suam in mansuetudine
sapientię. Item contra sapientiam terrenam. Item de sapientia, quę de sursum est III.
Superbia. AD ROMANOS: Contentio inter Iudeos et Romanos pręferentes se
alteri alteris I. Non alta sapientes, sed humilibus consentientes XII. AD CORINTHIOS
I: Qui se existimat stare, uideat, ne cadat X. AD GALATAS: Siquis
existimat se aliquid esse, cum nihil sit, ipse se seducit VI. ACTVVM: Herodes
pro contione laudatus non dedit honorem Deo et ab angelo percussus expirauit XII. IACOBI:
Deus superbis resistit, humilibus dat gratiam IIII. APOCALYPSIS: Quia in corde
suo dicit: Sedeo regina, et uidua non sum, et luctum non uidebo. Ideo in una die uenient
plagę eius, mors et luctus et fames, et igne comburetur, quia fortis est Deus qui iudicabit
illam XVIII.
Secretum. AD ROMANOS: Quam incomprehensibilia sunt iudicia eius et
inuestigabiles uię eius XI. AD CORINTHIOS I: Dei sapientiam in mysterio
absconditam, ut supra. Quę Dei sunt, nemo cognouit nisi Spiritus Dei. Animalis autem homo non
percipit ea quę sunt Spiritus Dei. Spiritalis autem iudicat omnia etc. II. II: Velamen in
facie Moysi adhuc apud Iudeos III. AD COLOSSENSES: Mysterium, quod absconditum
fuit a sęculis et generationibus, nunc autem manifestum est sanctis eius etc. I.
APOCALYPSIS: In calculo nomen nouum scriptum, quod nemo scit nisi qui accipit
II. -- -- Vidi librum scriptum intus et foris, signatum sigillis septem,
quem nemo poterat aperire etc. V. Vidi, et ecce apertum est templum tabernaculi testimonii in
cęlo. Nemo poterat introire in templum, donec consummarentur etc. XV.
Silentium. AD CORINTHIOS I: Mulieres in ecclesiis taceant; domi uiros suos
interrogent XIIII.
Senex. AD THIMOTEVM I: Seniorem ne increpaueris, sed obsecra ut patrem etc.
V.1 AD TITVM: Senes ut sobrii sint etc. II.
AD HEBREOS: Quod antiquatur et senescit, prope interitum est VIII.
-- KK3-247 --
ms-401v
Suspicio. Apostoli pleni Spiritu Sancto uariis linguis loquebantur. Ob hoc a quibusdam
putabantur ebrii II.
Spes. AD ROMANOS: Gloriamur in spe glorię filiorum Dei V. Spes autem quę
uidetur non est spes. Nam quod uidet quis, quid speratur? VIII. AD CORINTHIOS
II: Fiduciam autem talem habemus per Christum ad Deum etc. III. AD THESSALONICENSES 1:
Galea spes salutis V.
AD HEBREOS: Spei confirmatio per promissionem Abrahę factam interposito
iuramento etc. Ad tenendam propositam spem, quam sicut anchoram habemus animę tutam ac firmam
et incedentem usque ad interiora uelaminis, ubi pręcursor pro nobis introiuit Iesus secundum
ordinem Melchisedech, pontifex factus in ęternum VI. IOANNIS I: Siquis
peccauerit, aduocatum habemus apud Patrem Iesum etc. II.
Seruus. AD EPHESIOS: De officio seruorum et dominorum VI. AD COLOSSENSES:
De eodem. Item Domino fideliter ut Deo seruiendum III, IIII. AD THIMOTEVM I:
Quicunque sunt sub iugo serui, dominos suos omni honore dignos arbitrentur etc. VI. AD TITVM:
Seruos dominis suis subditos esse etc. II. PETRI II: Serui corruptionis. A quo
enim quis superatus est, huius et seruus est II.
Simplex. AD CORINTHIOS I: Fratres, nolite pueri effici sensibus, sed
malicia paruuli estote. Sensibus autem perfecti estote XIIII. II: Sermo noster qui fuit apud
uos, non est in illo: Est et Non; sed Est in illo est I. Non ambulantes in
astutia neque adulterantes uerbum Dei IIII.
Sollicitus. AD CORINTHIOS I: Nescitis quod hi qui in
stadio currunt etc. ab omnibus se abstinent etc. Sic curro, non quasi in
incertum IX. AD PHILIPPENSES: Nihil solliciti sitis IIII. PETRI I:
Omnem sollicitudinem uestram proiicientes in eum, quoniam ipsi cura est de uobis V.
APOCALYPSIS: Esto uigilans et confirma cętera quę moritura erant etc. III.
Beatus qui uigilat et custodit uestimenta sua, ne nudus ambulet et uideant turpitudinem eius
XVI.
Sacerdos. AD THIMOTEVM I: Siquis episcopatum desiderat, bonum opus
desiderat. Oportet enim episcopum irreprehensibilem esse etc. Diacones similiter pudicos, non
bilingues etc. et hi autem probentur primum, et sic ministrent nullum crimen habentes.
Diacones sint unius uxoris uiri etc. Qui enim bene ministrauerint, gradum bonum sibi
acquirent et multam fiduciam in fide quę est in Christo Iesu III. Qui bene pręsunt
presbiteri, duplici honore digni habeantur, maxime qui laborant in uerbo et doctrina etc.
Aduersus presbiterum accusationem noli recipere nisi sub duobus aut tribus testibus.
Peccantes coram omnibus argue. Manus cito nemini imposueris V. AD TITVM:
Consituas per ciuitates presbiteros. Siquis sine crimine est, unius uxoris uir, filios habens
fideles etc. Oportet episcopum sine crimine esse sicut Dei dispensatorem, non superbum, non
iracundum etc. amplectentem eum, qui secundum doctrinam est, fidelem sermonem, ut potens sit
exhortari in doctrina sana et eos qui contradicunt arguere I.
AD HEBREOS: Nec quisquam sumit sibi honorem, sed qui uocatur a Deo tanquam
Aaron. Sic et Christus etc. V. PETRI I: Seniores, pascite qui -- -- in uobis est gregem Dei etc. non lucri gratia, sed uoluntarie V. IOANNIS
I: Sed uos unctionem habetis a Sancto et nostis omnia II. APOCALYPSIS:
Stellę septem quę sunt angeli, id est episcopi septem ecclesiarum I.
Spiritus Sanctus. AD ROMANOS: Quicunque enim Spiritu Dei aguntur, hi sunt
filii Dei etc. Spiritus adiuuat infirmitatem nostram VIII. AD CORINTHIOS I:
Spiritus omnia scrutatur, etiam profunda Dei. Quę Dei sunt, nemo cognouit nisi Spiritus Dei.
Spiritalia homo iudicat omnia et ipse a nemine iudicatur. Nos autem sensum Christi habemus
II. Nemo in Spiritu Dei loquens dicit anathema Iesu. Et nemo potest dicere: Dominus Iesus
nisi in Spiritu Sancto. Diuisiones gratiarum sunt idem autem Spiritus etc. XII. AD
GALATAS: Quoniam autem estis filii Dei, misit Deus Spiritum filii sui in corda uestra
clamantem: Abba, Pater IIII. AD THIMOTEVM II: Bonum depositum custodi -- KK3-249 --
ms-402r per Spiritum Sanctum qui habitat in nobis I.
ACTVVM: Descendit Spiritus Sanctus in apostolos, et apparuerunt linguę igneę II.
PETRI I: Spiritu Sancto misso de cęlo, in quem desiderant angeli prospicere
I.
Marulić, Marko (1450-1524) [1480], Repertorium, versio electronica (), Verborum 315700, Ed. Branimir Glavičić [genre: prosa oratio - loci communes] [word count] [marulmarrepert].
|