Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Radegundis, Clotharii, Gallorum regis, uxor, sub preciosis et delicatis
uestibus uile et asperum cilicium tulit. Sicque omnem penitus Venereę
uoluptatis motum de suo excussit corpore, ut tandiu a uiro precibus
contenderit, donec impetrarit uinculi coniugalis dissolutionem castitatis
obligatione. Quod fortasse non petisset, nisi prius carnem cilicio
domuisset. Carne igitur spiritui subiecta pręponere coepit Christum marito,
monasterium regno.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|