Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Quid de Cęcilia uirgine dicam? Quę Valeriano desponsata ne ipso quidem
nuptiarum die ciliciolum suum dimisit. Exterius noua nupta auro textis
fulgebat uestibus, interius Christi ancilla cilicio squalebat. Cumque
Fescennini concinerentur et musici genesis perstreperent instrumenta, illa
tacita uirginitatem ipsi, cui se prius desponderat, Deo, commendabat. Deus
igitur per angelum suum eam ita tutatus est, ut integram inuiolatamque
seruarit, martyrio coronarit et pro cilicio luce induerit immortalitatis.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|