Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Confert deinde spiritalis boni appetendi copiam exercendique facultatem, ut
animus noster uitiis eradicatis uirtutibus exhuberet. Quod Osee propheta
pręuidens inquit: Viuent tritico et germinabunt quasi uinea; memoriale
eius sicut uinum Libani. Vnde et Discipuli statim post salutare
conuiuium montem conscenderunt Oliueti, iam altiora et fructuosiora petentes
quam ante petierant. Et Zacheus quidem, cum ipsum Dominum suo suscepisset
hospitio, reddit quadruplum pro eo, quod ante fraude interuerterat atque
dolo. Et in pauperes sua incipit effundere, qui rapuerat aliena.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|
