55. ad statuarium, Marci Maruli effigiem formare procurantem
Vana cupis: gypso longum protendere in aeuum
Effigiem tanti nominis atque uiri,
Nobilis o fictor! Fabrili fictier arte
Non potis est uirtus uiuida: uana cupis!
Marmora Praxitelis frangentur et aera Myronis;
Durat Apelleis nec color in tabulis.

-- f. 81v --

Certius est signum, quo se deffendit defendit ab aeuo
Marulus, aeternis clarus ad astra notis.
Quis Maro, quis meruit diuinum nomen Homerus
Et plures quorum fulget imago recens.
Quare age, uane, precor, uanum depone sepone laborem:
Quod manus ipsa facit, debilitatur opus.
Ingenio decreuit opes cum uatibus almas
Quaerere Pieriis Marulus iste meus;
Inter honoratos sublimia scripta cothurnos
Huius ubique tenet quisquis in orbe legit.